Sevgi Haqiqiy sevgi qanday bo'ladi, aytaymi?! Seni sevgan in | 🥰AYOL QADRI🥰

Sevgi

Haqiqiy sevgi qanday bo'ladi, aytaymi?!
Seni sevgan inson hech qachon seni yolg'izlatmaydi, doimo qalban yoningda bo'ladi, boringcha, borligingcha sevadi. Senga unga qulay bo'lishing uchun har xil shartlar qo'ymaydi. Qulay bo'lishing uchun har xil qoliplarga solmaydi. Sen qanday bo'lsang, shundayligingcha sevadi. Yig'lashingni, kulishingni, arazingni, qiliqlaringni - barcha-barchasini sevadi. Sendagi barcha-barchasidan zavqlanadi. Sening kulging, quvonching unga olam-olam zavq beradi.

Sen esa o'zingni uni yonida shunchaki kimdir qilmaysan, o'zingda yo'q xislatlarni ko'rsatmaysan, chunki sezasan... ha,ha, sezasan, his qilasan u seni shundoq ham sevishini, har bir holating ham u uchun yoqimli ekanligini his qilasan.

O'tirganingda, turganingda, yotganingda u haqida o'ylaysanmi?! Yo'q, kuning uning xayollari bilan o'tmasligi mumkin, lekin yoningda senga yelkadosh borligini his qilasan, tamom. Soatlab telefonda gaplashanmi?! Yo'q, shunchaki uning borligidan zavqlanasan, minnatdor bo'lasan.

Agar soatlab telefonda so'zlashish yoki tun-u kun u haqida o'ylash sevgi deb bilsang, yanglishasan. Bular vaqtinchalik garmonlaring o'yini.

Rostakam sevgida kerak bo'lsa, tortishasan. Tortishuvlaring mutlaqo menga nega tel qilmadingiz, yoki meni sevasizmi yo'qmi kabi bo'lmaydi. Shunchaki o'z fikrlaring bilan uni fikrlari to'g'ri kelmasa, samimiy tortishasan, xafaliksiz tortishasan.

Sevganing seni qo'llab-quvvatlaydi, senga taskin bo'ladi, hayot yo'llarida nogoh yiqilsang, qo'lingdan tutadi va yana olg'a yurishga chorlaydi.

U sen uchun tog'larni talqon qilmas, osmondagi yulduzni olib bermas, lekin qalbida sen mavjud bo'lasan.

Boringcha, borligingcha, telbaliklaring-u donoliklaring bilan seni qabul qiluvchi seni aslan sevgandir.

Sevgi Yaratuvchi sening qalbing zarrasini boshqa bir inson qalbida akslantirib qo'yganidir. Sevgi Yaratuvchiga olib boruvchi yo'llardan biridir.
Sevgi xiyonatlar-u ishonchsizliklardan himoyalangan bir bog'dir.

𝑩𝒊𝒛𝒅𝒂𝒏 𝒖𝒛𝒐𝒒𝒍𝒂𝒔𝒉𝒎𝒂𝒏𝒈
𝐀𝐲𝐨𝐥𝐥𝐚𝐫 𝐤𝐚𝐧𝐚𝐥𝐢𝐠𝐚 𝐚'𝐳𝐨 𝐛𝐨'𝐥𝐢𝐧𝐠
  •┈┈┈┈•❈•• ••❈•┈┈┈┈•
https://t.me/Ayolqalb
https://t.me/Ayolqalb
https://t.me/Ayolqalb

Yaqinlarga ham ulashing
Foydali kanalga obuna bo'ling