2022-10-30 17:43:19
Роббим, Сенга девона бўлай!
Ишқинг билан тўлсин бу қалб,
Висолингга парвона бўлай.
Айирмасин ҳеч бир дард, сабаб,
Роббим, Сенга девона бўлай!
Тақво ила тўлдир қалбимни,
Ибодат-ла овора бўлай.
Йироқ юрсин лаънати шайтон,
Роббим, Сенга девона бўлай!
Фитна этмасин нафсим бирликда,
Хақ йўлингда ҳайбатли бўлай.
Илм бергин қуръоний хулқда,
Роббим, Сенга девона бўлай!
Қироат-ла ўқий Куръонинг,
Ҳақ сўзингни дунёга ёяй.
Иккиланмай қилдим таваккул,
Роббим, Сенга девона бўлай!
Ният қилдим дуоларимда,
Шукр этай, саждалар қилай.
Ижобат қил, олиб рўёбга,
Роббим, Сенга девона бўлай!
Жаҳаннамдан, Роббим, йироқ қил,
Жаннатингда муштоқинг бўлай.
Фирдавсингни маконим этгин,
Роббим, Сенга девона бўлай!
Бошим эгик, юрак тўла дард,
Ўзимни мен қандайин оқлай?!
Кечир, афв эт гуноҳларимни
Роббим, Сенга девона бўлай!
Умар каби адолатли қил,
Усмон каби ҳаёли бўлай,
Ибратингга ҳаётим кўмгил,
Роббим, Сенга девона бўлай!
Сен яратдинг, Ўзингга шукр,
Ерда амринг ижобат қилай.
Пайғамбаринг суннатин ушлаб,
Роббим, Сенга девона бўлай!
Ота-онам хизматин қилиб,
Уларнинг-да ризосин олай,
Қувонтириб уларнинг кўзин,
Роббим, Сенга девона бўлай!
Ювай айбу гуноҳларимни,
Ҳар дам Сенга илтижо қилай,
Қабул айла тавбаларимни,
Роббим, Сенга девона бўлай!
Холи қилгин ташвиш-ғамлардан,
Зикринг, шукринг, ҳамдингда юрай.
Сийла қулинг – Камолиддинни,
Роббим, Сенга девона бўлай!
Камолиддин Ҳамидуллоҳ
𝒀𝒂𝒙𝒔𝒉𝒊𝒍𝒊𝒌 𝒖𝒄𝒉𝒖𝒏 𝒚𝒂𝒒𝒊𝒏𝒍𝒂𝒓𝒊𝒏𝒈𝒊𝒛𝒈𝒂 𝒉𝒂𝒎 𝒖𝒍𝒂𝒔𝒉𝒊𝒏𝒈
@Sabrligim_Onajonim
266 views. .:-), 14:43