ZINO (arab. — buzuqlik, fahsh, zinokorlik) — erkak va ayolning | Mubosharat

ZINO (arab. — buzuqlik, fahsh, zinokorlik) — erkak va ayolning shar’iy nikohsiz jinsiy aloqada bo‘lishi. Zino islomda qattiq qoralanadigan (harom) gunohlardan hisoblanadi. Qur’oni karimda: «Zinoga yaqinlashmanglar! Chunki (bu) buzuqlik – eng yomon yo‘ldir», – deyilgan ("Isro" surasi, 32-oyat).
Shariatda zino uchun yuz darra urishdan tortib o‘lim (toshbo‘ron qilish) jazosigacha belgilangan. Lekin jazoga hukm qilish uchun zino bilan ayblanuvchilarning o‘zlari iqror bo‘lishi yoki to‘rtta ishonchli guvohning guvohlik berishi shart qilingan. Aks holda arzimagan sabablar bilan insonning obro‘si to‘kilishi, ig‘vogar, bo‘htonchilarga qo‘l kelishi mumkin.
Hozirgi kunda zinokor uchun had jazosini qo'llash dunyo bo'yicha ham deyarli kuzatilmaydi. Zinokor og'ir gunoh bilan dunyodan o'tishga mahkum. U faqat astoydil tavba qilib, gunohiga kafforat bo'lishi uchun juda ko'p solih amallar qilishi lozim. Shuning uchun (ayniqsa hozirgi kunda) zinoga aslo yaqinlashmaslik lozim.

#istiloh #zino

@Mubosharat