#Savol: Assalomu alaykum. Ayolimni yaxshi ko‘raman, ikkinchisi | Mubosharat

#Savol: Assalomu alaykum. Ayolimni yaxshi ko‘raman, ikkinchisiga faqat jinsiy yaqinlik uchun uylanish mumkinmi?

Javob: Va alaykum assalom.
Faqat jinsiy aloqa uchun oila qurilmaydi. To'g'ri, oila qurishda nafsni haloldan qondirish asosiy maqsadlardan biri bo'ladi, lekin faqat shu bo'lsa, vaqtingiz bo'lganda borib, yotib qaytasiz. Ko'chaga chiqib qolsangiz, kirib bir bo'shanib o'tasiz, ayolingiz uzrli bo'lgan kunlari ikkinchi ayolingizni tez-tez yo'qlab turasiz, u uzrli bo'lganda esa yuzini ham ko'rmaysiz! Mana shunday bo'ladi-da jinsiy aloqa uchun uylanish. Bu zino bo'lmasin uchungina nikoh o'qitib, yashash tarzi o'ynashniki kabi-da.

Erning zimmasidagi boshqa majburiyat, vazifalar, oila qurishdagi boshqa ustuvor maqsadlar-chi?! Siz jinsiy yaqinlik uchun uylanib qo'ysangiz, bu jinsiy yaqinlik o'z mevasini berib, bola tug'iladi, uning tarbiyasi-chi?! Balki homiladan saqlanishni ham o'ylagandirsiz?

Bilmadim, yo siz savolni tushuntirib bera olmadingiz, yoki inson shu darajaga borishi mumkinligini men qabul qila olmayman...

@Mubosharat