#Savol: Assalamu alaykum! Turmush qurganimizga 1 yil bóldi, ho | Mubosharat

#Savol: Assalamu alaykum!
Turmush qurganimizga 1 yil bóldi, homiladorman. Erim qachonki men yaqinlik qilish istagini aytmagunimcha ózidan bilib bu ishni qilmaydilar. Erim uchun hamma narsani qilaman: ózimga oro berib. Boshqasi bilan gaplashib yurganini sezib qoldim, óziga aytib nega deb sóraymi, qanday yól tutay? Aytay desam, urish kelib chiqib, ajrashish paydo bóladimi deb óylayabman. Kónglim sovib qolgan.

Javob: Va alaykum assalom. Shu narsani aytishingiz bilan urish chiqib, ajrashib ketmaysiz, inshaalloh. Yaxshi gap bilan, yotig'i bilan aytish mumkin. Avvalo nega jinsiy yaqinlikka o'zidan xohish bo'lmayotganini so'rang. Tayinli sabab ko'rsatib, sizdan kamchilik o'tayotgan bo'lsa, keyingi mavzuga o'tmaysiz, o'z ustingizda ishlaysiz.

Shuni ham unutmaslik kerakki, aksar hollarda 1-2 yilda er-xotin bir-birini tushunib, jinsiy hayot iziga tushib ketmaydi. Ikki tomon ham sabr qilishi kerak. Xususan, er boshqaga yugurib ketmasin. Munosabatlarni yaxshilash, juftini yaxshiroq bilish, tushunish yo'lida o'qib-izlanish lozim.

@Mubosharat