#Savol: Assalomu alaykum, ayolim operatsiya (apendisit) boʻldi | Mubosharat

#Savol: Assalomu alaykum, ayolim operatsiya (apendisit) boʻldi. Doktorlar 6 oy aloqa qilmaysizlar deyishibdi. Lekin ikkalamizning ham ehtirosimiz juda baland. Bu holatda oʻzimizni tiyish va qondirish uchun qanday yoʻl tutsak boʻladi?

Javob: Va alaykum assalom. Avvalo boshqa ishonchli doktorlarning bu boradagi gapini bilish kerak. Haqiqatda mumkin bo'lmasa, jinsiy aloqaga rag'bat uyg'otadigan harakatlardan tiyilish kerak: ochiq-sochiq yurish va boshqa ishlar.

Shahvatni bosuvchi tavsiyalar bor: ro'za tutish, qattiq jismoniy mehnat bilan band bo'lish kabi.

Shulardan keyin ham xohish bo'lsa, baribir yaqinlik qilmasangizlar-da, ayolning jinsiy a'zosi atrofidan boshqa tana qismlaridan rohatlanish mumkin. Ammo bunda ayolning ehtirosi yanada kuchayib, qiynaladi. Shuning uchun sabr qilish yagona choradek ko'rinyapti.

Hayotda ba'zan shunaqasi ham bo'lib turadi. Bu kunlar o'tib ketganda yaxshi kunlarning qadriga ko'proq yetasizlar. Bir-biringizga dalda, ko'makdosh bo'lib sinovdan o'tib olinglar.

@Mubosharat