#Savol: Assalamu alaykum. Bir birodarimning savoli: Biz erim b | Mubosharat

#Savol: Assalamu alaykum. Bir birodarimning savoli: Biz erim bilan 1 haftada 2 marta qo'shilamiz, lekin umuman qoniqmayman, ehtroslarini uyg'otish uchun hamma ishni qilib ko'rdim – bo'lmadi. Jinsiy aloqada juda zaiflar, 1 oylab ham qo'shilmay yuraveradilar. Men erimni juda yaxshi ko'raman, o'qib-izlanib, hamma ishni qilib ko'rdim, lekin jinsiy tomonlama bo'lmadi. Oldin yaxshi edi, 1 yillardan beri shu ahvol, shunga nima maslahat berasizlar?

Javob: Va alaykum assalom. Obbo, "birodaringiz" jinsiy hayoti haqida hamma narsani aytib beribdi-ku sizga! Unday gaplashmanglar, savol so'rash uchun mutaxassisga aytsa bo'ladi, lekin to'shakdagi muammolarni birodarkalar bilan gaplashib o'tirish yaxshi emas.

Savolingizga kelsak, "birodaringiz" hamma narsa qildim degani bilan nimalar qilganini bilmaymiz, u bilgan ishini qilgan. Shu bilan birga, bir haftada ikki marta qo'shilish jinsiy zaiflik emas. Ammo bir oylab qo'shilmay yursa, erkakda bir gap bor. Yaxshisi, ikkalalari bilan ham gaplashib, muammoga yechim bergan ma'qul. Yuzma-yuz xijolatli bo'lsa, onlayn konsultatsiyalar bor. Psixolog-seksologlarga murojaat qilib ko'rsinlar.

Chunki hozir "birodaringiz" hamma narsa qildim deyapti, lekin avval qilgan ishlari ham muhim. Masalan, ayol erini rad qilaversa, keyin ayol malikalardek go'zal bo'lsa ham erkakda unga nisbatan xohish uyg'onmaydigan (boshqa bilan jinsiy hayoti yaxshi) bo'lib qolishi mumkin. Bularning hammasini jinsiy masalalar bo'yicha mutaxassis kishi bilan gaplashadilar, inshaalloh.

@Mubosharat