Falon ishni qilsam xotinim taloq bo‘lsin degan kishi haqida | Mubosharat

Falon ishni qilsam xotinim taloq bo‘lsin degan kishi haqida

#Savol: Bir odam qilib yurgan gunoh ishidan qutula olmay, oxiri: “Ey Xudo, endi shu gunohni qilsam, xotinim falonchi uch taloq bo‘lsin, omin, Allohu akbar!” – deb ovozini chiqarib aytsa, maqsadi esa gunohdan qutulish bo‘lsa, lekin atrofda hech kim yo‘qligi sababli uning bu gapini hech kim, xotini ham eshitmagan bo‘lsa, keyin bandalik bilan baribir shu gunohni sodir etsa, xotiniga nechta taloq tushadi? Javob uchun oldindan rahmat!

Javob (Odilxon qori Yunusxon o'g'li):

Bismillahir rohmanir rohiym! Avvalo, “Biron gunohni sodir etsam, xotinim uch taloq bo‘lsin!” deyish to‘g‘ri emas. Chunki banda xatodan xoli emas, zaif, ojizdir. Qolaversa, uning gunoh sodir etishida xotinining nima aloqasi bor? Bu ish o‘z oyog‘iga bolta urish bilan barobar ish. Aqlli ish emas, harholda. Bordi-yu, kimdir aqlsizlik qilib shunday gap aytgan bo‘lsa, o‘sha gunohni qilishi bilan xotiniga (necha taloq degan bo‘lsa, o‘shancha) taloq tushadi. Shuning uchun taloq borasida o‘ylab ish qilish, tilga e’tiborliroq bo‘lish kerak, vallohu a’lam.

@Mubosharat