Ba'zi ayollar jinsiy aloqa vaqtida soxta orgazm namoyish qilis | Mubosharat

Ba'zi ayollar jinsiy aloqa vaqtida soxta orgazm namoyish qilishi aytiladi. Bu bilan u juftining ko'nglini ko'tarmoqchi, hammasi yaxshi bo'lyapti, maza degandek gapni aytmoqchi bo'ladi. Ammo manovi erkak ham birinchi marta aloqa qilayotgani yo'q (birinchi marta aloqa qilayotgan erkakni bunday aldash haqida o'ylaydigan ayol halol munosabatlarda uchrashi noyob holat) yoki holva qog'oz berganda xursand bo'lib ketadigan yosh bola emas. Ya'ni haqiqiy orgazmni his qilayotgan ayol va aktrisalik qilayotgan ayolni aksar erkaklar farqlay oladi.

Ayolning "tomosha ko'rsatayotganini" bilgan erkakning kayfiyati tushib ketadi. Demak, men uddalay olmayapman, qandaydir kamchilikka yo'l qo'yyapman. Shuning uchun ayolim yolg'ondan yoqayotgandek ko'rsatyapti deb o'ylaydi. Albatta, bu o'y jinsiy aloqa sifatini yanada tushirib yuboradi.

Darvoqe, aloqa vaqtida erkakning kayfiyati tushib ketishi, nimagadir xayoli chalg'ib qolishi aloqa sifatini pasaytirib yuboradi.

Nima qilish kerak?

Jinsiy aloqa ikki kishi o'rtasidagi munosabat – ko'p aytamiz. Bu faqatgina ayolning yotib berishi bilan bo'ladigan jarayon emas. Er va xotin birgalikda harakat qilishi kerak. Ana shunda aloqa ko'ngildagidek bo'ladi, uzoq davom etadi, ayol ham orgazmni his qiladi. Natijada soxta namoyishga hojat qolmaydi.

@Mubosharat – halol jinsiy aloqa haqida