NIKOH SIRLARI 🎁

2022-08-27 05:00:39 MANTIQSIZLIK YOXUD SHAYTONNING HIYLASI

‒ Men ham oldin ro'mol o'rardim, bir‑ikkita ro'mol o'raganlarning qilgan ishlarini ko'rib, o'ramay qo'ydim.
‒ Juda oriyatli ekansizda‑a?
‒ Ha, men bunaqa ishlarni hech qabul qila olmayman‑da, shunday qonim qaynab ketadi..
‒ G'ayratingizga qoyil! Lekin bir haqli savol tug'iladi, og'ir botmasa..
‒ Xo'sh?
‒ Ro'mol o'rab nojo'ya ish qilgan bir‑ikkitasini ko'rib, ularga o'chakishib ro'molni yomon ko'rib qolibsiz, hatto yechib yuboribsiz, to'g'rimi?
‒ Ha, shunday.
‒ Biroq, bir‑ikkita emas, yuzlab, minglab ro'molsiz, ochiq‑sochiq ayollar nimalar qilib yurishmaydi, siz nazarda tutgan noto'g'ri ishlardan milliontasini qilishadi, nega ularga o'chakishib ro'mol o'rab yubormayapsiz? Qanchadan‑qancha fohishalar hammasi sizdek ochiq‑sochiq kiyinishadi, ularga o'xshamaslik uchun ham bo'lsa jo'rtaga ro'mol o'rash kerak emasmkin sizning mantig'ingizga ko'ra?
‒ Ha, endi...

Inson ana shunday, o'zini rosa aqlli deb bilgani holda oddiy haqiqatlarni qabul qila olmaydi, agar qalbida kasal bo'lsa. CHunki inson 30% qarorni aqli bilan, 70% qarorni qalbi bilan qabul qiladi.
Aslida, ro'mol o'rash alohida amal, alohida ibodat. Uni bajargan odam birorta ayb ish qilsa, bu bilan ro'mol o'rash yomon ish bo'lib qolmaydi, axir. Qo'pol qilib aytgada, u bir tarafda ayb ish qilgan bo'lsa‑da, ikkinchi tarafda bir yaxshilik ham qilibdi, Alloh taoloning bir buyrug'ini bajaribdi. Biroq, bu bilan ro'mol o'rab turib yomon ish qilsa bo'laveradi, demoqchi emasmiz, chunki satri avratdek ulug' amalni bajargan ayol ushbu maqomga yarasha bo'lishi ham kerak. Lekin besh qo'l barobar emas, ba'zan kimdir aybini yopish uchun ham ro'mol o'rashi yoki ro'mol o'rab turib insongarchilikdan xato qilib qo'yishi mumkin. Bu bilan ibo‑hayoni yomon otliq qilish shaytonning hiylasi, xolos. SHayton insonlarni bevosita nafs qutqusi bilan adashtira olmasa, mana shunday hiyla‑nayranglarni topadi, bunga hushyor bo'lish kerak.
Endi namoz boshlay desangiz, «Qo'y, ana falonchi, namoz o'qigani bilan qilgan ishini qara, sen undan yaxshisan‑ku... Sen oz‑moz ichganing bilan birovga aziyat bermaysan‑ku, nimasi yomon?» deb vasvasa qiladi. YOki «Namoz boshlasang, bu‑bu ishlarni qilmasliging kerak, vaqti soati kelib bir boshlaysan, ana o'shanda ko'radi hammasi», deb aldaydi. SHuning uchun musulmon odam xayolparast bo'lmay, dini ko'rstagan ishni qilishga o'rganishi kerak.

(Bir necha yil oldingi suhbatdan lavha)

Hasanxon YAxyo Abdulmajid

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-08-25 04:55:46 Erkak va flirt

Erkak va ayol o'rtasidagi munosabatning mustahkamligini belgilovchi eng muhim omil bu ikkala tomonning o'zaro bir-biriga ishonchi va sadoqatidir. Aqlli erkak hech qachon ipini "uzmaydi". Boisi nafs bilan bog'liq xatolar erkak burdini to'kadi. Agar bu xato shahvat bilan bog'liq bo'lsa uning badali ikki xatoning badali bilan teng.

Munosabatlar qo'rg'onga o'xshaydi. Uning mustahkamligini ta'minlash uchun kishi umrining oxirigacha mehnat qilishi shart. Erkak kishi o'ziga bo'layotgan ikkinchi bir ayolning flirtini seza boshladimi albatta buning chorasini ko'rishi, oradagi ko'priklarni u foydalanmasidan avval yoqib yuborishi kerak. Men o'zimga ishonaman, men sadoqatliman, men falonman deb yuraversa ertaga o'sha flirt qurboniga aylanadi. Ana undan keyin burnini tortib yuraveradi.

Hozir bir kino ko'ryapman. U yerda unashtirilgan erkak va ayol orasiga uchinchi bir ayol qo'shildi. U erkakka bo'lsa-bo'lmasa "mehribonchilikni" boshlavordi. Unashtirilgan ayol yigitiga bu haqida ogohlantirdi. Erkak esa bunday bo'lishi mumkin emas, u bilan faqat ish yuzasidan gaplashamiz xolos deb yurib o'zi kutmagan tuzoqqa tushdi. Hech bir yomon ish qilmagan bo'lsa ham sevgan ayolining oldida ishonchni yo'qotdi. To'g'ri, bu shunchaki kino, lekin hayotda ham ayni shunday holatlarga ko'p guvoh bo'lganman.

Shu bois ish va boshqa ishlarda ayollar bilan munosabatda o'ta ehtiyot bo'laman. Men uchun oilam, ayolim har qanday ishdan va munosabatlardan muhim. Qaysidir qiz tanishim flirt qilayotganining hidini sezsam bo'ldi, dumini tag-tugi bilan tugaman. Kimgadir yaxshi gapiraman, yaxshilik qilaman deb oilam tinchligini xavf ostiga qo'ymayman.

Kishida aql dominantlik qilsa, oniy davom etadigan lazzat uchun butun hayoti osudaligini qurbon qilmaydi. Alloh barchamizni aqlimizga quloq tutadigan bandalari qatoridan qilsin.

(С) Бахтиёр Шералиев

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-08-18 04:55:25 Farzandni shaytondan asrash duosi

كانَ رسولُ اللَّهِ صلى اللَّهُ عليهِ وسلَّمَ يعوِّذُ الحسنَ والحسينَ ، يقولُ : أعيذُكُما بِكلماتِ اللَّهِ التَّامَّةِ ، مِن كلِّ شيطانٍ وَهامَّةٍ ومن كلِّ عينٍ لامَّةٍ. ويقولُ: إنَّ أَبَاكُما كانَ يُعَوِّذُ بهَا إسْمَاعِيلَ وإسْحَاقَ.

«Nabiy sollallohu alayhi vasallam Hasan va Husaynga panoh tilab: «Uʼiyzukumaa bikalimaatillahi at-taammati min kulli shaytonin va haammatin. Va min kulli aynin laammatin» der va soʻngra: «Bobongiz bular ila Ismoil va Isʼhoqqa panoh tilar edi», der edilar».

Duoning maʼnosi bunday: «Ikkingizga Allohning mukammal kalimalari bilan har bir shaytondan va zararkunandadan, hamda gunohkor koʻzdan panoh tilayman». Ochish/sharhlash

2022-08-07 21:36:09 @NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-08-07 15:22:04 #Farzand tarbiyasida nazoratning o'rni

Mutolaa vaqti: 1 daqiqa, 24 soniya

Dadam bir muddat viloyat sovetiga vakil bo'lib saylandilar. SHu davr ichida xalqimizga, vatanimizga foydasi tegadigan ishlarni bajarishga harakat qildilar.

SHu bilan birga, farzandlar tarbiyasiga ham alohida e'tibor bilan qaradilar. Bizning har bir harakatimizni kuzatardilar: kachon maktabga boramiz, qachon qaytamiz, bo'sh vaqtimizda nimalar bilan shug'ullanamiz hammasi nazorat kilinardi.

Dadam hatto maktab qorovullaridan ham bizni nazorat qilib turishlarini iltimos qilar edilar. Iqtisod masalasida ham qattiq turardilar. Bergan xayitliklarining ham hisobini olardilar. Agar noo'rin sarflab qo'ysak, tanbeh berar, pulimizni kitob-daftarga sarflagan bo'lsak, maktab qo'yardilar.

SHuningdek, bizni o'yin-kulgi, televizorga tikilishdan va boshka bexuda narsalardan uzok saqlardilar. O'qishimizda ham avvalo Qur'oni Karimni yodlashni, arab tilining sarf va nahv ilmlariga alohida e'tibor qilishimiz kerakligini ta'kidlar edilar. Hatto Kur'on harfida yozilgan turkiy kitoblarni ham ko'p o'qishga ruxsat bermasdilar. «Avval arab tilini, uning grammatikasini mukammal bilsanglar, qolgani oson bo'ladi», deb uqtirardilar. SHuning uchun biz eng avval nahv kitobini yod olgan edik.

"Islomga bag'ishlangan umr" kitobidan

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-08-03 18:41:52 #Uylanish to'siqlaridan eng kattasi - uylanganimdan keyin pulga qiynalib qolsamchi degan qo'rquv. Rizqdan qo'rquv desak yanada aniqroq bo'ladi. YAqindayam savol yo'llashdi: “Hozir 3 million oylik olaman, bilasiz, Toshkentda yashash oson emas. Lekin uylanmasam ham bo'lmaydi. Boshim qotgan, maslahat bering, aka”, deb.

Nasihat qilaman, o'ng qulog'ing bilan ham, chapi bilanam eshitib ol, bo'ydoq ukam. Avvalo, rizq Allohniki. San bo'lmasang ham bo'lajak ayoling och qolgani yo'q, san bo'lganingda ham, inshaalloh och qolmaydi. Qo'rquvingni yengishni o'rgan. Hozirgi fitna to'la zamonda (ko'chaga chiqsang, deyarli ketining ikki tog'orasigacha ochiq qizlarni ko'rasan) bo'ydoq yurish o'zing uchun zulm. Ham jismonan ham ruhan. Rizq masalasida qo'rqma! Rasululloh sollallohu alayhi vasallam bir sahobaga uylan dedilar, u sahobiy mahrga berishga hechnarsam yo'q dedilar. Rasululloh temir uzuk berib bo'lsa ham uylan dedilar. Temir uzukning qiymati qanchayu sen topayotgan pulning qiymati qancha? Sahobalar gunohlar amallarini habata qilmasligi uchun ham tezroq o'sha gunoh yo'llarini to'sishardi. Uylanish zino eshiklarini to'sadi.

O'z hayotimdan misol keltirsam, uylanishdan avval daromadim 150-200$ atrofida edi, u ham o'zimdan ortmasdi. Kasbim bor edi ammo kam topardim. Tavakkal uylandim. Alloh taolo ayolimning rizqini o'zi berib qo'ydi. O'sha vaqtda o'zim kutmagan joydan yaxshi oylikli ish va biznesga sheriklik taklifi keldi. Daromadim 700-800$ ga chiqdi. Alhamdulillah. Bu bilan nima demoqchiman, Alloh taolo hechqachon bandalarini noumid tashlab qo'ymaydi. Uning uchun sabablarni mahkam ushlashlik va Alloh bilan orangizni isloh qilishingiz kerak.

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-07-30 04:39:11 «Nikohda xar bir inson aqlbovar qilmaydigan quvonchni his qiladi. Unda boshqa biror o'rinda topilmaydigan o'ziga xos rohat bor».

— Abdurahmon as-Sadiy rohimahulloh

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-07-27 18:02:41 Ulamolar inson ikki narsadan tashkil topgan deyishadi: jism va ruh. Mana shu ikkisining rivojlanishi uchun esa, ozuqa kerak. Jismning ozuqasi inson tuproqdan yaratilgani uchun bevosita va bilvosita tuproq bilan bog'liq. Suv ichishga ehtiyoj, ovqatlanish, sport bilan shug'ullanish barchasi jismning ozuqasi sanaladi. Endi ruhga to'xtalsak, ruh Alloh taolodan bo'lib shuning uchun ham faqat u orqaligina ozuqa ola olamiz. Ozuqa esa u Zotning tushirgan kitoblari, payg'ambarlari orqaligina bo'ladi.

Jismigagina e'tibor bergan inson ruhiy ozuqasiz qoladi. Va harqanday fasod ishlarni qiladi. Bugungi g'arb bunga yaqqol misol. Ketsevarlik, lezbiyankalik, foxishabozlik shuning ortidan kurtak yozib, hozirgi kunda daxshatli o'rmonzorga aylanib bo'ldi. Demak faqat ruhgagina etibor berish kerak ekanda? Yo'q, bu ham yetarli emas. Zero bizdan avvalgi adashgan ummatlar shuning ortidan zalolatga botishgandi. Nasroniylar ruh eng muhimi deya dunyodan kechib, cherkovga qamalib olishgan bu qamalish ortidan boshqa bir fasodga yo'l ochishgandi. CHerkov bachchavozligu, foxishabozlikka to'lib ketdi. Inson jism ozuqasisiz ham yashay olmadi.

Eng yaxshi yo'l esa islom dinida aniq ko'rsatib berilgan. Bu yo'l o'rta yo'l bo'lib, qalblar faqat Allohning zikridan orom olishini, jism sog'lomligi muhimligi hadislar bilan takidlangan. Rasululloh sollallohu alayhi vasallam: kuchli mo'min kuchsiz mo'mindan afzal dedilar. Boshqa bir hadisda inson faqat taqvosi bilan afzal bo'lishini aytdilar. Ikki hadisni jamlab xulosa qiladigan bo'lsak, musulmonlar nafaqat jismini balki ruhini ham ozuqasiz tashlab qo'ymasligi lozimligi haqida mano hosil bo'ladi.

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash

2022-07-27 05:22:43 NIKOH SIRLARI pinned «Mendan «Moskvada nima ish qilasiz», deb ko'p so'rashadi. Men internet do'konida ishlayman. SHuning uchun ko'p xollarda «onlayn» bo'laman. Internetda aylanib yurib, qandaydir bir saytga kirdim. Tanishuvlar saytiga o'xshar, lekin biroz boshqacha ekan. Moskvadagi…» Ochish/sharhlash

2022-07-27 05:05:00 Mendan «Moskvada nima ish qilasiz», deb ko'p so'rashadi.

Men internet do'konida ishlayman. SHuning uchun ko'p xollarda «onlayn» bo'laman.

Internetda aylanib yurib, qandaydir bir saytga kirdim. Tanishuvlar saytiga o'xshar, lekin biroz boshqacha ekan.

Moskvadagi hamma ayollar (qiz ekanligiga ishonch yo'qku) o'sha yerga o'z rasmini qo'yar, keraklik mijozni o'sha yerdan ovlar ekan. Qisqa qilib aytganda: «onlayn fohishaxona».

Qarasam o'zbek qizlarini ham rasmlari ko'p ekan. Tagidagi yozuvda o'zbek tilida «dam olishga qizlar bor», deb yozib qo'yibdi. Rasmdagi qizlar ichida har turli yoshdagi, har-hil ko'rinishdagi qiz-juvonlar to'lib yotibdi. Buyog'i didga qarab tanlayverasiz.

Erinmasdan shu profillarga qo'ng'iroq qila boshladim. Kun bo'yi qirqdan ortiq profillarga qo'ng'iroq qildim. Oladigan javoblarim bir-biridan ajoyib edi. Bir xilda «qizlar bor, tanlash imkoniyatingiz bor» der, men esa savollarimga javob so'rayverardim. Xar bir fohishaxonada 7-8 nafardan o'zbek qizlari bor ekan. Tasavvur qilyapsizmi? Har birida shunchadan O'ZBEK qizlari bor.

Qirqta saytdan 7-8 nafardan fohisha bo'lganda ham, uch yuzdan ziyod O'zbek fohishalari Moskvalik mijozlarga o'z «xizmatlarini» taklif etishyapti.

Bu bitta saytdagi ahvol, bunaqa saytlardan yuzlab, balki, minglab borligini hisobga olsak, raqamlar qo'rqinchli darajada bo'ladi.

Dahshatga tushmay turing. Haqiqiy dahshat hali oldinda. Qo'ng'iroq qilish jarayonida narx navolarga qiziqdim. O'zbek qizlarini bir soati 1000 (O'zbek so'mida bir yuz yigirma ikki ming) rubldan ekan. “Noch” esa 3000 rubl. Kvartira o'zidan. “Hotel”ga borishni taklif qildi. Tanish “Hotel”llari bor ekan.

Qiziqish ustunlik qilib Rus, Moldovan, Hohol qizlarini narxiga qiziqdim. Soatini 3000 rubldan kami yo'q. “Noch” 6000 dan 30000 gacha. Moskvada eng arzon JALABLAR (uzr, yumshoq so'zdan foydalana olmadim) O'ZBEK QIZLARI ekan. SHu uchun Rossiyadagi barcha millatlar O'zbek fohishalari xizmatidan ko'proq foydalanishi odatiy holga aylanibdi.

Sigan, Armani, Tatar, chukcha... Kim bo'lishidan qat'iy nazar, «dam olish uchun» eng arzon hizmat kerakmi? Marhamat, o'zbeklar bu borada yetakchi! Jaranglashini qarang. Iqtisod, internet, so'z erkinligi, diniy erkinlik va bir qator reytinglarda eng oxirgi o'rinlarda turishga o'rganib qolgan millatimiz uchun maqtanishga arzirli sabab bor ekan. Fohishalikda yetakchilik!

SHubhasiz, buni o'qigan ori, nomusi bor har qanday erkakni nafrati qo'ziydi. Ammo ko'zgudan o'pkalanmang. Aftimiz shunday qiyshiq.

SHu orada taksi to'xtatib kelin-kuyovni joylaydigan, qizlarni ro'molini muammo qilib ko'tarib olganlarga va “Terrorizm”ga qarshi kurash bo'yicha xizmat ko'rsatganlarga savol: SHu kerakmi? Ayting, sizga shu kerakmi?

Sizlar din deganda terrorni bahona qilib shuni ortiga yashirindinglar. Dindorlar bilan kurashib, bor mablag' va quvvatni shu yo'lda sarf etdinglar. Ammo hisob-kitob qilsak, O'zbeklar terrorchilardan ko'ra ko'proq fohishalarni yetishtirib chiqardi. Terrorchi va fohishani qanday farqi bor? Biri «ideologiya» yo'lida har qanday qabihlik qilsa, boshqasi pul evaziga tanasidan tortib vatanigacha sotadi.

Balandparvoz gaplar bilan “bizdan Buxoriylar, Termiziylar la la la...”, degan gaplarni gapirmayman. Buxoriy chiqishiga ishonmaymanu ammo bu ketishda aniq Klara setkinlar, Dolce&Gabbanalar, Konchitalar chiqadi.

Sherzod Husan

@NikohSirlari — oila qurish, oilaviy muhabbat, baxt va farzand tarbiyasi haqida

Telegram | YouTube | Muallif Ochish/sharhlash