AYYORLIK (to‘liq) Er xotinini oldiga kirsa yig‘layotgan ekan. | Saranjom Beka

AYYORLIK (to‘liq)

Er xotinini oldiga kirsa yig‘layotgan ekan. Yig‘i sababini so‘raganida, xotin:
- Ro‘molsiz turganimda daraxt ustidagi qush ko‘rib qoldi. Bu Allohga nisbatan gunoh sodir qilish, - dedi. Eri xotinidagi iffatdan va Allohdan qo‘rqishidan shod bo‘ldi va ertasiga bolta olib kelib, daraxtni kesib tashladi. Bir haftadan keyin uyiga ishdan barvaqt qaytsa, xotini begona erkak qo‘ynida yotgan edi. Er hech narsaga e’tibor bermasdan barcha narsalarni yig‘ishtirdi-da, o‘sha shaharni tark qildi. Yo‘l yurib, uzoq bir shaharga yetib keldi. Qarasa odamlar podshoh qasri oldida to‘planib turishgan ekan. Ulardan
to‘planishgani sababini so‘radi. Odamlar: - Podshohning xazinasi
o‘g‘irlandi, - deb aytishdi. Shu asnoda oyoqlari uchida ehtiyot bo‘lib yurib ketayotgan qariyani ko‘rib qoldi. - Bu kim? - deb so‘ragan edi, odamlar: - Chumolilarni bosib, gunohkor bo‘lib qolishdan xavfsirab, oyoqlari uchida yuradigan qariya, - deb aytishdi. U kishi: - Allohga qasam, bu qariya o‘g‘ridir, sizlar meni podshohga olib boringlar, - dedi. Podshohga olib borishgach unga: - Xazinangizni o‘margan aniq bu qariyadir. Agar aytganim to‘g‘ri chiqmasa, kallamni tanamdan judo qilavering, - dedi. Shundan keyin askarlar qariyani olib kelishdi. Tekshiruvlar oqibatida qariya o‘g‘ri ekanini tan oldi. Podshoh:- Bu qariyani o‘g‘ri ekanini qayerdan bilding?- debiso‘ragan edi, u kishi: - Ehtiyotkorlik va fazilatli so‘zlar haddan oshib ketsa, bilingki, uning ortida qandaydir jinoyat yashiringan bo‘ladi, - deb javob berdi.



✿ ••┄┄┄❅┄┄┄••• ✿

@saranjom_beka‌‌