To‘y Bob She'rlar ✔️

2022-09-01 17:04:09 BAXT IZLAGAN BO’YDOQLAR

Tunda borib qizlarga,
Tayoq yegan sayoqlar.
Nima gaplar olamda,
Baxt izlagan bo’ydoqlar.

Ko’zlar o’ynab har tomon,
Yolg’izlik juda yomon,
Omonmisiz siz omon,
Baxt izlagan bo’ydoqlar.

Yaxshi qizni izlaysiz,
Vaqt o’tyabdi bilmaysiz,
Qachongacha tanlaysiz,
Baxt izlagan bo’ydoqlar.

Yuztasini sevgansiz,
Yuz hil vada bergansiz,
So’zlarimga kulmang siz,
Baxt izlagan bo’ydoqlar.

Har kuni osh jizzada,
Sho’rva ichar ko’zada,
Bo’ydoqlik ham mazzada,
Baxt izlagan bo’ydoqlar.

Uyqu bilmay kechalar,
Yostiq kuchar nechalar,
Yolg’izlik kuyin chalar,
Baxt izlagan bo’ydoqlar.

Uylansangiz yo’q bo’lar,
Yoqadagi bu dog’lar.
To’yingizda o’ynaylik,
Baxt izlagan bo’ydoqlar.

http://T.me/toy_bob_sherlar Ochish/sharhlash

2022-09-01 17:01:49 ИККИНЧИ ХОТИН УЧУН

Хафа қилиб ёрини,
Кўрсатар эрлар кучин,
Аямайди борини,
Иккинчи хотин учун.

Кўрмайсан дейди ҳеч кам,
Ҳаммаси муҳайё, жам,
Квартиралар шинам,
Иккинчи хотин учун.

Севги, вафо, гиналар,
Тилло узук,хиналар,
Яп-янги машиналар,
Иккинчи хотин учун.

Кўзлар мафтун боқилган,
Ҳар дам симлар қоқилган,
Тунлар шамлар ёқилган,
Иккинчи хотин учун.

Мабеллари пластик,
Эгилувчан эластик,
Шароитлар,,Классик"
Иккинчи хотин учун.

Сўкишларга дучор ким,
,,Шанғиллама ўтир жим",
Майингина табассум,
Иккинчи хотин учун.

Диёнатли бўлсин эр,
Аллоҳ ўзинг инсоф бер,
Бу шунчаки ҳазил шеър,
Иккинчи хотин учун.

Ой қизлар-гўзал ғунча,
Ҳавас қилмасин бунча,
Булар бари вақтинча,
Иккинчи хотин учун.

Хуршид Карим

http://T.me/toy_bob_sherlar Ochish/sharhlash

2022-09-01 17:01:14 ОНАМГА УМР СЎРАЙМАН

Ё тангрим асрагин яқинларимни,
Уларга ҳаловат, ҳузур сўрайман,
Тинглагин оҳимни, танҳо ўтинчим,
Онамнинг умрига, умр сўрайман.

Бир парча юраги жабрга тўлган,
Болам деб яшнаган, болам деб сўлган,
Мен учун дунёда энг азиз бўлган,
Онамнинг умрига умр сўрайман.

Ҳар бало қазодан жонини асра,
Ҳар лаҳза,сония,онини асра,
Она деган улуғ номини асра,
Онамнинг умрига умр сўрайман.

Оқмасин кўзидан аччиқ ёшлари,
Тегмасин маломат,ғурбат тошлари,
Омон бўлсин доим азиз бошлари,
Онамнинг умрига умр сўрайман.

Соғ бўлсин,кошонам нурларга тўлсин,
Дуосидан пари,ҳурларга тўлсин,
Яхши кунларимда ёнимда бўлсин,
Онамнинг умрига умр сўрайман.

Ҳар сўзи мойилдир ибрат сабоққа,
Дашномлари ўхшар эзгу маёққа,
Қадамлари етсин Каъбатуллоҳга,
Онамнинг умрига умр сўрайман.

Ўзингсан ягона яратувчи зот,
Асрагин доимо,бергин сен нажот,
Онамсиз керакмас мен учун ҳаёт,
Онамнинг умрига умр сўрайман.

http://T.me/toy_bob_sherlar Ochish/sharhlash

2022-09-01 16:04:18
EL AZIZ , INSON AZIZ

Shodligimdan yayra dunyo,
Oltin toj-u, taxtim bor.
Ming tillodan ziyoda,
Baxtiyorman baxtim yor.

Yashnagan gul bo'stonda,
Bog' aziz, boĝbon aziz.
Yangi O'zbekistonda
El aziz, inson aziz.

Jannatning rayhonlari,
Iforlari taralgay,
Baxshining dostonlari,
G'ururidan yaralgay.

Gullagan gulistonda,
Dil aziz, diydor aziz.
Yangi O'zbekistonda
El aziz, inson aziz.

Behishtiy hur shaboda,
Huzur nasmi esadi.
Har qo'shiq, har navoda,
Tinchlik bazmi kezadi.

Obod qishloq, shaharda,
Gul aziz, giyoh aziz.
Yangi O'zbekistonda
El aziz, inson aziz.

Samolarga tengdir qadr,
Oqibat ham bir yonda.
Zamonamga ming shukur,
Bayram qadim Turonda.

O'zbek o'zi Xoqonda,
Din aziz, Islom aziz.
Yangi O'zbekistonda
El aziz , inson aziz.

Iqboldan yayragay dil,
Quvonar shondan yurak.
Erk libosin kiygan el,
Baxt-u, taxting muborak.

Yurtboshimiz sarbon- da,
Iymon nur, Qur'on aziz.
Yangi O'zbekistonda
El aziz, inson aziz.

MASHHURA ORIPOVA
Qashqadaryo viloyati Qarshi tumani 43- umumiy o'rta ta'lim maktabi MIMB targ'ibotchsi.


http://T.me/toy_bob_sherlar Ochish/sharhlash

2022-09-01 04:10:41 31 ёшинг муборак!

Ассалому алайкум ҳурматли ватандошлар мен сизни ва сиз орқали оила аъзоларингизни Ўзбекистон Республикаси Давлат Мустақиллигининг 30-йиллиги байрами билан муборакбод этаман!
Энг улуғ, энг азиз байрам муносабати билан сизларга тинчлик-осойишталик, оилавий ҳотиржамлик, фаровонлик ва иш фаолиятингизда улкан муваффақиятлар тилайман.
Мустақил Ўзбекистонимизнинг тинчлиги, гуллаб яшнаши ва равнақ топишидаги фидокорона меҳнатларингиз ҳамда соҳа ривожига қўшаётган хизматларингизда ҳамиша омад ёр бўлсин!


http://T.me/toy_bob_sherlar Ochish/sharhlash

2022-08-17 14:43:15 Aslo taslim bo'lma!

Temurbek Yusupov.
#new

Kanalga ulanish:
T.me/TemurbekYusupov Ochish/sharhlash

2022-08-12 11:43:06 O'zbekning g'ururi — bayrog'i va do'ppisidir!

Kanalga ulanish:
T.me/TemurbekYusupov Ochish/sharhlash

2022-08-06 21:25:00 Видео қўнғироқ имода
ёлғончи эр Хазил шъер
Хотин: -Ало салом
дадаси, Юрибсизми соғ-
омон. Болалар зўр
ҳаммаси, Сўрашар
келар қачон? Эр: -Ман
яхшиман хотинжон,
Ишлаябман туну-кун.
Тўплолмадим пул
ҳамон. Юрибманку сиз
учун. Хотин: -Майли
дадаси майли,
Кўрсатинг ишхонани.
Мендан олис туфайли,
Қучмангиз бегонани. Эр:
-Жиннимисан эй хотин,
Ишдаман ўзим ёлғиз.
Ишонгин гапларим чин.
Йўқ буерда аёл,қиз.
Хотин: -Майли
дадажониси, Бўлмангиз
дарров хомуш. ...Э э
......тўхтанг келябди,
Ёнингиздан бир товуш.
Эр: -Бошлама хотин
яна, У шу уйни эгаси,
Русчасига айтганда.
Хонадон хазайкаси.
Хотин: -Қани,қани
кўрсатинг, Хазайкангиз
бир кўрай..... Вой
шарманда буне хол...
Кўрмайгина ман ўлай.
Эр: -Ажабланма
хотинжон, Руслар кўпи
калта соч. Кийинишар
шунақа, Доим ярим
яланғоч. Хотин: -Нега
унда ёлғизсиз,
Дўстларингиз қаерда.
Берса ҳам сизга миллон,
Ишламайсиз у ерда. Эр:
-Шерзод дўстим
сантехник, Чиқиб кетди
дўконга. Зафар ошнам
посредник, Кетди янги
маконга. Хотин: -
Ула,була ишим йўқ,
Қайтиб келасиз тезроқ.
Келмасангиз гар дарҳол,
Ўзим бораман бироқ. Эр:
-Э хотинжон бўлди қил,
Обой клейлаябман.
Орттириб мозламадан,
Бошқага пуллаябман.
Хотин: -Йўқ ичимга қурт
тушди, Ёнингизга
келаман.
Наташами,Ленами,
Сочларини юламан. Эр: -
Хазайка телефонда,
Гапирябди кимгадир.
Хайр хотин связ йўқ,
Қотиб қолдинг негадир.
*

http://T.me/toy_bob_sherlar Ochish/sharhlash

2022-08-06 04:21:24 ЎҚИШЛАРГА ЎТИБ КЕТИНГ

(барча абитуриентларга омад ёр бўлсин)

Тунлари ой нурларида ўқидингиз,
Ойсиз қаро тунларида ўқидингиз,
Ҳатто байрам кунларида ўқидингиз,
Шу бу йил сиз ўқишларга ўтиб кетинг,
Абитуриентлар сафидан ўчиб кетинг.

Кимлар етди ким етмади қадрингизга,
Назар қилмас кимлар тортган жабрингизга,
Қойил қолмоқ керак сизнинг сабрингизга,
Шу бу йил сиз олийгоҳга ўтиб кетинг,
Абитуриентлар сафидан ўчиб кетинг.

Юрак деманг юрак қалби музларда йўқ,
Сиздаги қунт,сабр,тоқат бизларда йўқ,
Ёш болада,,SAMSUNG","AYFON",сизларда йўқ,
Шу йил ТошМи,АдМИ ларга ўтиб кетинг,
Абитуриентлар сафидан ўчиб кетинг.

Хафа бўлманг сизга бахт-у,камоллар бор,
Елкангизга бир кун тегар шамоллар бор,
,,Қандай қилиб ўтдинг"деган саволлар бор,
Шу йил ЮРфак,ТАТУ ларга ўтиб кетинг,
Абитуриентлар сафидан ўчиб кетинг.

Кўрайлик биз ,,Ўтдим"деган киноянгиз,
Оқлансин-да шунча меҳнат,сармоянгиз,
Шу бўлсинда,,Подкурс"даги ниҳоянгиз,
Шу йил ТошМУ, ФарДУ ларга ўтиб кетинг.
Абитуриентлар сафидан ўчиб кетинг.

Аллоҳ назар солсин ўтинч,нолангизга,
Қувонч тўлсин шу кун кўнгил хонангизга,
Ёруғ юз-ла боринг ота онангизга,
Илоҳим шу йил ўқишга ўтиб кетинг,
Абитуриентлар сафидан ўчиб кетинг.

Хуршид Карим

4.08.2022

Kanalga ulanish:
http://T.me/toy_bob_sherlar Ochish/sharhlash

2022-08-05 20:30:01 НEГА СEВДИК, БИРГА БЎЛМАСАК ?

Умид бердик бир биримизга,
Шерик қилдик бор сиримзга,
Ишонардик кўз қирмизга,
Нега севдик бирга бўлмасак ?

Ўйин бўлса агар муҳаббат
Келтрса гар фақат у ғурбат, Туғдирса сўнг минг битта нафрат,
Нега севдик бирга бўлмасак ?

Оғир кунлар, келмасидан дуч,
Орзулар ҳам, бўлса бир зум пуч,
Курашмоқга тополмасак куч,
Нега севдик бирга бўлмасак ?

Осонликча эришилмас бахт,
Ҳеч ким бизга қилмаганди нақд,
Ўртамизда, бор эди-ку аҳд,
Нега севдик бирга бўлмасак ?

Тақдир дейми, яна баробар,
Бундай тақдир, не керак агар,
Икки вужуд бирлашмаса гар,
Нега севдик бирга бўлмасак ?

Иккимиз ҳам, индамай қолсак,
Ҳаммасини, тақдирдан кўрсак,
Қўрқоқлардек, курашолмасак,
Нега севдик бирга бўлмасак ?

Нега севдик бирга бўлмасак ?

5.08.2022. Йил.

Муаллиф: Мусурмонқул Сувонқулов

Kanalga ulanish:
Kanalga ulanish:
http://T.me/toy_bob_sherlar Ochish/sharhlash