Uylanishdan avval ko‘pchilik yoshlar moddiyatga e‘tibor qarati | My diary
Uylanishdan avval ko‘pchilik yoshlar moddiyatga e‘tibor qaratishadi
Ya‘ni: "mashinam bo‘lsin", "yaxshi daromadli ishim bo‘lsin", "uy-joyim, sharoitimni yaxshilab olay", "o‘zimni tiklab olay" kabi gaplar buydoqlar tomonidan aytiladi.
Lekin hech kimdan hali shu paytgacha:
"Hali uylanishga tayyor emasman. Hozir uylansam erta bir yilda ota bo‘laman. Kelajakda farzandlarim bo‘ladi. Hozir men ularga yaxshi o‘rnak bo‘la oladigan bir holatda emasman. Avval o‘zimni bir tarbiyalab olishim kerak.
Farzand tarbiyasi qanaqa bo‘ladi o‘zi, shular haqida tushunchalarga ega bo‘lishim kerak. Iloji bo‘lsa shunaqa mavzulardagi kitoblarni o‘qib chiqishim, shu o‘rinda diniy bilimlarimni ham oshirishim kerak.
Ertaga farzandlarim mendan namuna oladi. Men qanday bo‘lsam, ertaga farzandlarim huddi shunday bo‘ladi. O‘zim ertalabdan kechgacha telefon titib yoki televizor ko‘rib o‘tirsam-u, bolamga kitob o‘qi, dars tayyorla desam, u конечно meni aytganimni qilmaydi.
Agar men uni oldida besh vaqt namoz o‘qib, ko‘ziga kitob ushlab ko‘rinsam, uni oldida o‘qisam. U ham mendan o‘rnak oladi. Dars qiladi, kitob o‘qiydi. O‘rnak bo‘ladigan otasi bo‘lmaganidan, televizordagi artislarga, qayoqdagi lo‘ttivozlarga taqlid qilmaydi, mendan namuna oladi.
Agar uni oldida qo‘shnilarimni, qarindosh-urug‘ni g‘iybat qilsam, oilaviy ovqatlanib o‘tirganimizda kimlarnidir yomonlab, ustidan kulib o‘tirsam, farzandim ham bir kun men kabi g‘iybatchi, hadsizlardan biri bo‘lib qolmaydimi?
Va eng avvalo o‘zimga shunchaki xotin emas, kelajakdagi farzandlarimga yaxshi ona topishim kerak. Axir hozir kimga uylansam, o‘sha meni ertaga farzandlarimni onasi bo‘ladi. Xullas, shunaqa! Men hali uylanishga tayyor emasman. O‘zimni hali isloh qilishim, o‘z ustimda ishlashim kerak." - degan mazmundagi gaplarni eshitmadim.
#Jek
@Jek_Jiddiy
