Konor Makgregor yana bir to‘polonda ishtirok etdi. Nyu Yorkd | UZREPORT SPORT|RASMIY
Konor Makgregor yana bir to‘polonda ishtirok etdi.
Nyu Yorkda nufuzli MTV Video Music Awards taqdirlash marosimida Konor va taniqli reper Kolson Beyker (Machine Gun Kelly) o‘rtasida tushunmovchilik ro‘y berdi. Reper birinchi bo‘lib yoniga kelgan Makgregorni turtib yuborgan. Natijada Konorning qo‘lidagi qo‘ltiqtayoq tushib ketgan. Jangchi esa hamon erkin yurishga qiynalmoqda. Makgregor endi kuch ishlatishga tashlanayotganda qo‘riqchilar aralashgan va ularni ajratishgan. Hech kimga shikast yetmagan. Konor vaziyatni qo‘yidagicha izohladi:
“Hech narsa bo‘lmadi. Men uni tanimayman. Urishsam faqat munosiblar bilan, jang qilishni biladiganlar bilan urishaman. Bunaqangi mayda reperlar bilan emas. Bu yigit Megan Foks bilan kirib kelganidan boshqa u haqda hech narsa bilmayman”.
Qizig‘i, marosim “Barklays syentr”da bo‘lib o‘tdi. 3 yil avval shu yerda Konor Habib ketayotgan avtobusga hujum qilgandi.
