2023-06-04 19:01:41
Siz qaysi raqamdasiz.....
Agar odamlar haqida fikr qilsangiz ularni to‘rt turda ekanini topasiz:
Allohga itoatkor va hayotda baxtiyor....
Allohga itoatkor va hayotda bebaxt....
Allohga osiy va hayotda baxtiyor....
Allohga osiy va hayotda ham bebaxt....
Agar siz birinchi turga oid inson bo‘lsangiz, bu tabiiy narsa. Chunki Alloh taolo: "Erkakmi yo ayolmi – kimda-kim mo‘min bo‘lgan holida biron yaxshi amal qilsa, bas, biz unga pokiza hayot ato eturmiz va ularni o‘zlari qilib o‘tgan eng chiroyli amallari sababli beriladigan ajr-savoblar bilan mukofotlaymiz" (Nahl surasi, 97 oyat), deb aytgan.
Agar siz to‘rtinchi turga oid bo‘lsangiz bu ham tabiiy. Chunki Alloh taolo: "Kim mening eslatmamdan yuz o‘girsa, bas, albatta uning uchun tang – baxtsiz hayot bo‘lur va biz uni qiyomat kunida ko‘r holda tiriltirurmiz", (Toha surasi, 129 oyat) deb aytgan.
Agar siz ikkinchi turga oid bo‘lsangiz ikki holatdan birining ehtimoli bor:
– Yoki Alloh taolo sizni yaxshi ko‘rib, sabringizni sinab, darajangizni ko‘tarishni istabdi. Bu haqda Alloh taolo: "Albatta biz sizlarni xavfu xatar, ochlik, molu jon va meva-chevalarni kamaytirish kabi narsalar bilan imtihon qilamiz. (Ey Muhammad alayhissalom) biron musibat kelganida: «Albatta biz Allohning (bandalarimiz) va albatta biz U Zotga qaytguvchilarmiz»,- deydigan sabrli kishilarga xushxabar bering!" (Baqara surasi, 155 oyat) deb aytgan.
– Yoki ibodatdagi kamchilik, g‘aflatda qolingan gunoh yoki tavbani ortga surilgan bo‘lishi mumkin. Alloh O‘zi tomon qaytishingiz uchun sinovga uchratishni istagan.
"Albatta Biz ular shoyad o‘z (isyonlaridan) qaytsalar, deb ularga (Qiyomat Kunidagi) ulug‘ azobdan ilgari yaqin azobni (ya’ni, dunyo azobini — turli kulfat-balolarni, musibatlarni) totdirurmiz" (Sajda surasi, 21 oyat).
Agar siz uchinchi turga oid bo‘lsangiz juda ehtiyot bo‘ling! Chunki bu istidroj – arqonni uzun tashlanishidir. Bu, inson tushib qolishi mumkin bo‘lgan eng yomon holatdir. Buning oqibati ham xatarlidir. Buning uchun Alloh tomonidan keladigan azob naqddir. Alloh taolo bu haqda: "Endi – qachonki ular o‘zlari uchun eslatma qilib berilgan narsani unutishgach, biz ularga hamma narsaning eshiklarini ochib qo‘ydik. Qachonki o‘zlariga berilgan narsalar bilan shod turganlarida, biz ularni to‘satdan (azob bilan) ushladik. Bas, butunlay nomurod bo‘ldilar" (An’om surasi, 44 oyat), deb aytgan, dedilar doktor Muhammad Rotib Nablusiy.
✿ ••┄┄┄❅┄┄┄••• ✿
@saranjom_beka
6.0K views16:01