XBuz

2022-06-23 07:41:47 Hurmatli elektr energiyasi iste’molchilari O‘zbekiston Respublikasi elektr stansiyalari va tarmoqlarini texnikaviy ekspluatasiya qilish qoidalariga asosan, bugun 23 iyun kuni soat 10:00 dan 18:00 gacha joriy profilaktika ishlari sabab Qo‘shko‘pir, Shovot, Yangibozor, Xiva, Urganch, Yangiariq tumanlarining ayrim hududlari elektr energiyasida uzilishlar bo‘lishi mumkin.

Qo‘shko‘pir tumani Bekobod, Ittifoq, Yoshlik, Bog‘zor, Oshoq qal’a, Shixobod, Kenagas, Dovud, Qoramon, Zarbdor, Mashrab, O‘zbekiston, Shixmaxshad mahallalari

Shovot tumanining Arboblar mahallasi

Yangibozor tumanining Bog‘olon mahallasi

Xiva tumani Indavak, Sho‘r ko‘l, Varangzon mahallalari

Urganch tumani Xojiboylar, Turkmanlar, Shoxidonlar mahallalari

Yangiariq tumani Oq machit, Angarik, Chiqirchi, Tuzloq, Tagan, Gulshanda, Sevgan, Killavit, Gulobod, Pursang, Achchiq quyi mahallalari“Xorazm hududiy elektr tarmoqlari” AJ Matbuot xizmati

Xorazmbugun xabarlari Ochish/sharhlash

2022-06-23 07:05:14 Haqiqiy noutbuk kuchini his qiling!

Videoo'yinlar vizual effektlar va ekshn sahnalarga ega bo'lganligi sababli eng so'nggi texnik parametrdagi qurilmalarni talab qiladi. Gaming noutbuklari o'yin uchun zarur bo'lgan barcha xususiyatlarga ega bo'lib, o'yinlardan tashqari har qanday dastur bilan muammosiz ishlay oladi.

O'zingiz uchun ideal noutbukni tanlang, u sizga har jabhada yordamchi bo'ladi!

Noutbuklarni halol savdo shartlari asosida 24 oygacha muddatda taqsimlab to'lashga olishingiz mumkin.

Aloqa: @computer_support_bot
+998995603555 | +998995603666

@tema_computer Ochish/sharhlash

2022-06-22 20:45:37 Ozarbayjon Prezidentining matbuot kotibi Azer Gasimov va Xorazmlik yurtdoshimiz Ulug‘bek Matniyozov. 35 yil o‘tib yana uchrashdilar.

Bir vaqtlar harbiy xizmatni birgalikda o‘tagan do‘stlar 35 yil o‘tib yana uchrashdilar. Og‘a-inidek bir-birini bag‘riga bosib, boshlaridan kechirganlarini, xizmatdagi xotiralarini esladilar, hayoti, turmushi, ishidan so‘zladilar. Judayam samimiy, ko‘zlarga yosh keltiruvchi uchrashuv bo‘ldi.

Bu voqea bugun Xivada, O‘zbekiston va Ozarbayjon Prezidentlari shaharni ziyorat qilayotgan paytda sodir bo‘lgani ham chuqur ramziy ma’noga ega. Shu uchrashuv ham o‘zbek va ozarbayjon xalqlari do‘stligining ildizlari chuqurligi, taqdirlarimiz bir-biriga naqadar bog‘lanib ketganiga yana bir misol.

P.S. Ozarbayjonlik hamkasbimning o‘zbekistonlik do‘sti bilan uchrashish orzusini ro‘yobga chiqara olganimizdan, ushbu uchrashuvni uning tavallud kunida tashkillashtira olganimizdan xursandmiz.

Xorazmbugun xabarlari Ochish/sharhlash

2022-06-22 17:48:51 Ozarbayjon Respublikasi Prezidenti Ilhom Aliyevning mamlakatimizga davlat tashrifi yakunladi.

Prezidentlarning muloqoti juda samarali bo‘ldi. Ikki mamlakat o‘rtasidagi strategik sheriklikni chuqurlashtirish va har tomonlama hamkorlikni kengaytirish to‘g‘risida deklarasiya hamda ko‘plab boshqa hujjatlar imzolandi. Davlat rahbarlarining samimiy muloqoti Xorazmda davom etdi.
Oliy martabali mehmonni aeroportda davlatimiz rahbari kuzatib qo‘ydi.

Xorazmbugun xabarlari Ochish/sharhlash

2022-06-22 15:00:04 ​​Nikohdan o‘tishning 1 oylik muddati bekor qilinadi

Joriy yil 21-iyun sanasida Oliy Majlis Qonunchilik palatasining navbatdagi majlisida Adliya vazirligi tomonidan ishlab chiqilgan “O‘zbekiston Respublikasining Oila kodeksiga o‘zgartishlar kiritish to‘g‘risida”gi qonun loyihasi muhokama qilindi.
Muhokamada adliya vaziri Ruslanbek Davletov qonun loyihasi bo‘yicha kiritilayotgan muhim o‘zgartirishlar haqida ma’lumot berdi.
Jumladan, loyiha bilan Oila kodeksining 13, 17 va 212-moddalariga quyidagi o‘zgartishlar kiritilmoqda:
1) nikohni qayd etishning bir oylik muddati va uni qisqartirish uchun asos bo‘luvchi holatlar bekor qilinmoqda;
2) nikohni nikohlanuvchi shaxslar majburiy tibbiy ko‘rikdan o‘tganlaridan so‘ng rasmiylashtirish tartibi belgilanmoqda.
Loyihani ishlab chiqishda, ilg‘or xorijiy davlatlar, jumladan musulmon davlatlarning tajribalari ham o‘rganildi.
Qonun loyihasi qabul qilingandan so‘ng, nikohlanuvchi shaxslar majburiy tibbiy ko‘rikdan o‘tganlaridan so‘ng 1 oylik muddatni kutmasdan istalgan vaqtda nikohdan o‘tishlari mumkin bo‘ladi.

Xorazmbugun xabarlari Ochish/sharhlash

2022-06-22 14:07:15 O‘zbekiston Prezidenti Shavkat Mirziyoyev va Ozarbayjon Prezidenti Ilhom Aliyev Xiva shahriga tashrif buyurdi.

Davlat rahbarlari Ota darvozadan kirib, Ko‘k minora, Ko‘hna ark saroyi, Sherg‘ozixon madrasasi, Juma masjidi, Tosh hovlini tomosha qildi, Allomalar muzeyi bilan tanishdi.
Xorazmcha qo‘shiq va raqslar ijrosi mehmonlarga ko‘tarinki kayfiyat baxsh etdi.
Prezidentlar Ichan qal’a yaqinidagi Nurillaboy saroyini ham borib ko‘rdi.

Xorazmbugun xabarlari Ochish/sharhlash

2022-06-22 13:00:04 Uzbekistan Airways yana bir nechta samolyotlarni “to‘liq ekonom” formatiga o‘tkazmoqda

Uzbekistan Airways Airbus A320 havo kemasi salonlarini konfiguratsiya qiladi. Bu haqda kompaniya matbuot xizmati xabar bermoqda.  

Aviakompaniya hozirda 5 ta A320 havo kemasini “to‘liq ekonom” formatiga o‘tkazdi. Loyiha natijasida Uzbekistan Airways parkida loukost-aviatashuvlarni amalga oshirish uchun 9 ta A320 havo kemalari mavjud bo‘ladi.  

Qayta konfiguratsiya doirasida interyer yangi Recaro 3710 o‘rindiqlari bilan jihozlanadi.
O‘rindiqlar og‘irligining kamayishi Uzbekistan Airways’ga qulaylikni saqlagan holda 174 yo‘lovchini (+24 o‘rin) sig‘dirishga imkon beradi.

Xorazmbugun xabarlari Ochish/sharhlash

2022-06-22 10:53:40 Ozarbayjon prezidenti Ilhom Aliyev Xorazmga bordi

Rasmiy tashrif bilan O‘zbekistonda bo‘lib turgan Ozarbayjon prezidenti Ilhom Aliyevni Urganch xalqaro aeroportida Shavkat Mirziyoyev kutib oldi.

Xorazmbugun xabarlari Ochish/sharhlash

2022-06-21 20:36:34 Urganch chakka sholikorda katta mashinalar axoli yashaydigan joydan nimalar izlashmoqda?

Ijtimoiy tarmoqlarda tarqalayotgan videoda katta mashinalar axoli yashaydigan joyga kech qurun kelib nimadirlar qilmoqda, bu xolatda nima qilishayotgan ekan? Xar-xolda neft izlashmayotgandir?

Xorazmbugun xabarlari Ochish/sharhlash

2022-06-21 17:56:43 Xorazm viloyatiga O’zbekiston va Ozarbayjon Prezidentlari kelishi munosabati bilan ayrim ko’chalar vaqtincha yopiladi.

Joriy yilning 22 iyun kuni Xorazm viloyatiga oliy martabali mehmonlarning tashrif buyurishi munosabati bilan ayrim avtomobil yo‘llarida transport vositalarining harakati vaqtinchalik cheklanishi nazarda tutilmoqda

Xorazmbugun xabarlari Ochish/sharhlash