2023-06-06 16:30:37
ХОРАЗМ ВИЛОЯТИ САНИТАРИЯ-ЭПИДЕМИОЛОГИЯ БОШКАРМАСИ ОГОХЛАНТИРАДИ!!!
Ёз фаслида сўлим жойларда баҳра олишни, сув ҳавзаларида чўмилишни хуш кўрамиз. Айнан ёзнинг жазирама кунларида кўпчилик, айниқса болалар очиқ сув ҳавзаларида чўмилишни маъқул кўришади.
Шу ўринда очиқ сув ҳавзаларида чўмилганда ифлосланган сувни ютиб юбориш ҳам турли юқумли ошқозон-ичак касалликларини келтириб чиқариши мумкинлигини эслатиб ўтмоқчимиз.
Зеро, инсоният ҳаёти сув ва сув манбалари, аввало, чучук сувдан тежамкорлик асосида фойдаланиш ҳамда уларни муҳофаза қилишни тақозо этади. Лекин сўнгги пайтларда очиқ сув ҳавзаларига ташкилот ва корхоналар томонидан ноқонуний равишда оқава сувларни ташлаб, ифлослантириш ҳолатлари учраб турибди.
Бу эса сувнинг ифлосланишига олиб келади. Ачинарлиси эса сув орқали юқадиган касалликларнинг тарқалишига сабаб бўлади.
Жаҳон Соғлиқни сақлаш ташкилотининг экспертлари дунёдаги барча касалликларнинг 80 фоизи ифлосланган сув орқали юқишини аниқладилар.
Сувнинг касаллик тарқатувчи микроорганизмлар билан зарарланиши қорин тифи, дизентерия, вирусли гепатитнинг А ва Е турлари каби бир қатор юқумли касалликларнинг тарқалишига сабаб бўлиши мумкин.
Қорин тифи, дизентерия касалликларининг асосий белгилари тана ҳароратининг 38-39С гача кўтарилиши, қоринда тутиб-тутиб оғриқ пайдо бўлиши, ахлатнинг тез-тез, йиринг ва қон аралаш қаттиқ оғриқ билан келиши, дармонсизлик ва бош оғриғи ҳисобланади.
Вирусли гепатитнинг А ва Е турлари умумий ҳолсизлик, иштаҳасизлик, кўнгил айниши, овқатлангандан сўнг қайт қилиш, шиллиқ қават ва терининг сарғайиши билан кечади.
Касаллик юқмасин десангиз, тозаликка риоя қилинг ва фарзандларингизга болалигиданоқ шахсий гигиена кўникмаларини сингдириб боринг! Хоразм вилояти СЭО ва ЖС бошқармаси матбуот хизмати
Хоразмбугун хабарлар
6.0K views13:30
X
